Poslovne vesti - Makedonija

Витаминка го зголемува производството на "Стоби" брендот

Витаминка ја развива производната линија со воведување линија снекови како надополнување на линијата солени производи, во кои влегуваат "Стоби флипс".

-Брендот Стоби е еден од ретките кои со предзнакот македонски, е извезуван и баран на сите континенти и во 25 земји. Тоа е податок што не мотивира да вложуваме во овој бренд, да сме иновативни и да го развиваме. Пласирањето на трите нови производи значи, не само зголемување на палетата на Витаминка, туку и потврда на квалитет препознаен од многу генерации - изјави Влатко Трпаноски, комерцијален директор во Витаминка.

Трите нови Стоби производи се со различни форми и различни вкусови, соодветно на широк опсег на потрошувачи. Стоби рингс" во форма на прстени се со вкус на кромид и павлака, Стоби стикс" се стапчиња со вкус на хотдог и со вкус на кечап.

Стоби е бренд кој постои и континуирано се произведува уште од 1978 година. Досега од солениот асортиман, покрај основниот вкус Стоби флипс", има развиено уште и Стоби флипс со вкус на сирење и пица, а од благиот Чоко Стоби", и сега дополнително се зголемува со новите три вкуса.

Витаминка е фабрика број 1 во Македонија во производство на кондиторски производи, а со новата производна линија го зазема првото место во производство на флипс и снакс. Од компанијата најавуваат дека наскоро Стоби линијата ќе се зголеми со други вкусови.